ہیومن رائٹس واچ نے تصدیق کی ہے کہ اسرائیل  بمباری میں سفید فاسفورس استعمال کررہا ہے۔

بین الاقوامی خبر رساں ادارے کے مطابق  ہیومن رائٹس واچ نے تصدیق  کی ہے کہ اسرائیل نے غزہ اور لبنان میں بمباری میں سفید فاسفورس کا استعمال کیا۔

ہیومن رائٹس واچ کی جانب سے جاری بیان میں کہا گیا کہ  ادارے نے تصدیق شدہ ویڈیو اور گواہوں سے بات چیت کی بنیاد پر تصدیق کی ہے۔

ہیومن رائٹس واچ نے مزید کہا کہ  اسرائیل کی جانب سے غزہ سٹی کی بندرگاہ اورلبنان سرحد کے ساتھ دو مقامات پر توپ خانے سے سفید فاسفورس فائر کیے جانے کی تصدیق موجود ہے۔

ہیومن رائٹس واچ نے خبردار کیا کہ اسرائیل کی جانب سے  سفید فاسفورس کے استعمال سے سنگین اور طویل مدتی زخموں کا خطرہ لاحق ہے۔

ہیومن رائٹس واچ  کا کہنا ہے کہ سفید فاسفورس خوفناک جلنے کا سبب بنتا ہے۔ بین الاقوامی قوانین کے مطابق سفید فاسفورس کا استعمال غیر قانونی ہے۔

واضح رہے کہ سفید فاسفورس ایک انتہائی آتش گیر کیمیکل ہے جو بعض اوقات فوج کی طرف سے علاقوں کو نشانہ بنانے کے لیے استعمال کیا جاتا ہے  اور یہ لوگوں کو بری طرح جلا  دیتا ہے۔

جب اسے ہتھیار کے طور پر استعمال کیا جاتا ہے تو یہ انتہائی خطرناک ہوتا ہے  خاص طور پر اگر اسے آبادی والے علاقے والے علاقوں میں استعمال کیا جائے۔

اسرائیل کی مسلح افواج نے 2008-2009 کے دوران غزہ پر حملے کے دوران سفید فاسفورس کو دھوئیں کی ڈھال کے طور پر استعمال کیا تھا۔

انسانی حقوق کی متعدد تنظیموں نے اس وقت جنگی جرائم کا الزام لگایا تھا۔ فوج نے 2013 میں کہا تھا کہ وہ اس کیمیکل کا بطور کیموفلاج استعمال مرحلہ وار ختم کر دے گی۔

دوسری جانب اسرائیلی فوج نے تردید کرتے ہوئے کہا کہ وہ غزہ میں سفید فاسفورس پر مشتمل ہتھیاروں کے استعمال کے بارے میں فی الحال آگاہ نہیں ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/477568/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/477568/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں