او آئی سی  نے فلسطینیوں کے خلاف اسرائیلی جارحیت کی شدید مذمت کی ہے۔

بین الاقوامی خبررساں ادارے کے مطابق اسلامی تعاون تنظیم (او آئی سی) کے سکریٹری جنرل حسین ابراہیم طحہٰ نے غزہ میں مسلسل 24 دنوں  سے جاری بمباری کی شدید مذمت کی ہے۔

او آئی سی کی جانب سے جاری بیان میں کہا گیا کہ اسرائیلی بربریت سے عمارتوں، اسپتالوں،ا سکولوں، عبادت گاہوں اور اقوام متحدہ کی تنصیبات کو تباہ کیا گیا۔

اس کے علاوہ خواتین، بچوں، طبی عملے اور صحافیوں سمیت ہزاروں بے گناہ شہریوں کو شہید اور زخمی کیا گیا۔

او آئی سی کا کہنا ہے کہ   اسرائیل اب بھی خوراک، ادویات، پانی اور بجلی تک رسائی کو روکنے کے علاوہ اسپتالوں کو بمباری کرنے کی دھمکی دیتا ہے۔

او آئی سی کا کہنا ہے کہ  اسرائیل جنگی جرائم اور بین الاقوامی قانون اور بین الاقوامی انسانی قانون کی خلاف ورزی کر رہا ہے۔

واضح رہے کہ غزہ پر اسرائیلی بمباری میں 3 ہزار 300 بچوں اور ایک ہزار سے زائد خواتین سمیت 8 ہزار سے زائد فلسطینی شہید ہوگئے ہیں۔

اسرائیلی بمباری سے زخمیوں کی تعداد  بھی 20 ہزار سے تجاوز کر گئی ہے۔

اسرائیلی فوج  نے غزہ کے ترکش اسپتال کو نشانہ بنایا، وسطی غزہ میں اسرائیلی بمباری سے دیرالبلا کی مسجد بلال بن رباح شہید ہوگئی۔

اسرائیل نے غزہ کے سب سے بڑے الشفاء اسپتال کے قریب بم برسا دیے، القدس اسپتال کو خالی کرنے کی دھمکی دی اور اس اسپتال کے آنے والے راستوں کو تباہ کردیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/543407/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/543407/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں