بھارت میں ٹرین حادثے میں  کم از کم 13 افراد ہلاک ہوگئے۔

بین الاقوامی خبررساں ادارے کے مطابق  بھارتی ریاست آندھرا پردیش میں دو مسافر ٹرینیں آپس میں ٹکرانے سے 13 افراد ہلاک  جبکہ 50  سے زائد زخمی  ہوگئے۔

وشاکاپٹنم پلاسا مسافر ٹرین اور وشاکا پٹنم راگادا مسافر ٹرین ایک دوسرے سے ٹکرائیں جس سے ٹرینوں کی کئی بوگیاں پٹری سے اتر گئیں۔

ریلوے کے ایک سینئر اہلکار نے بتایا کہ آندھرا پردیش میں ٹرین کا تصادم اس وقت ہوا جب ڈرائیوروں میں سے ایک نے سگنل کو اوور شوٹ کیا۔

حادثے میں تمام لاشوں اور زخمیوں کو اسپتال منتقل کردیا گیا ہے۔

آندھرا پردیش کے وزیر اعلیٰ جگن موہن ریڈی وجیا نگرم ضلع کے کنتاکا پلی میں ٹرین حادثے  کی جگہ کا دورہ کریں گے تاکہ صورتحال کا جائزہ  لے سکیں۔

وزیراعلیٰ ٹرین حادثے میں زخمی ہونے والے افراد کی عیادت بھی کریں گے جو اسپتالوں میں زیر علاج ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/547246/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/547246/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں