بھارتی ریاست علی گڑھ میں فلسطینیوں سے اظہار یکجہتی کے لیے مارچ کرنے والے 4 مسلم طلباء کے خلاف مقدمہ درج کرلیا گیا۔

کشمیر میڈیا سروس کی رپورٹ کے مطابق بھارتی ریاست علی گڑھ میں مسلم یونیورسٹی کے 4 مسلم طلباء کے خلاف پولیس نے مقدمہ درج کرلیا ہے۔

رپورٹ کے مطابق مسلم طلباء پر غزہ میں جاری اسرائیلی جارحیت کے خلاف اور فلسطینیوں کے ساتھ اظہار یکجہتی کے لیے احتجاجی مارچ کرنے کا الزام ہے۔

رپورٹ میں کہا گیا ہے کہ طلباء نے یونیورسٹی کیمپس میں ڈک پوائنٹ سے باب سرسید گیٹ تک احتجاجی مارچ نکالا تھا۔

علی گڑھ کے ایس پی سٹی آر شیکھر پاٹھک کا ایک بیان میں کہنا ہے کہ پولیس نے مارچ کرنے پر یونیورسٹی کے مسلم طلباء کے خلاف مقدمہ درج کیا ہے۔

انہوں نے کہا کہ مظاہرین نے مارچ کے لیے اجازت نہیں لی تھی جب کہ طلباء نے ایک ’’دہشت گرد گروپ‘‘ کی حمایت میں مارچ کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/587905/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/587905/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں