بھارتی سپریم کورٹ  نے تاریخی فیصلہ سناتے ہوئے ہم جنس پرستوں کی شادی  کو قانونی قرار دینے سے انکار کردیا۔

بین الاقوامی خبر رساں ادارے کے مطابق  بھارتی سپریم کورٹ کے چیف جسٹس کی سربراہی میں 5 رکنی بینچ نے 10 روز کی طویل سماعتوں کے بعد 11 مئی کو اس کیس کا فیصلہ محفوظ کیا تھا۔

بھارتی سپریم کورٹ میں دائر درخواست میں ہم جنس پرستوں کی شادی کو قانونی قرار دینے کی استدعا کی گئی تھی جبکہ اس قانون کے حوالے سے حکومت نے اس درخواست کی مخالفت کی تھی۔

عدالت نے اپنے فیصلے میں اسے قانونی تسلیم کرنے سے انکار کیا اور اس پر قانونسازی کی بھی ہدایت کی۔

حکومت ہم جنس پرستوں کو حقوق اور سہولیات کی فراہمی کیلئے ایک کمیٹی قائم کرے گی جو ان چیزوں کا جائزہ لے گی۔

عدالت نے کہا کہ ہم قانون نہیں بناسکتے لیکن اس کی تشریح کرتے ہوئے اسے مؤثر بناسکتے ہیں۔

بھارتی سپریم کورٹ نے اپنے فیصلے میں مزید کہا کہ ہم جنس پرستوں کا معاملہ دیہی یا شہری کا نہیں، لوگ ہم جنس ہوسکتے ہیں چاہے ان کا تعلق کسی گاؤں یا شہر سے ہو، صرف انگریزی بولنے والا یہ دعویٰ نہیں کرسکتا کہ وہ ہم جنس پرست ہے یہ ایک کھیتوں میں کام کرنے والی کوئی عورت بھی ہوسکتی ہے۔

عدالت کا کہنا تھا کہ ہم جنس پرستوں کی شادیوں کو قاعدے کے طور پر قبول نہیں کیا جاسکتا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/602133/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/602133/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں