حماس نے جنگ میں اب تک اسرائیلی فوجیوں سمیت بڑی تعداد میں اسرائیلیوں کو حراست میں لیا ہے۔

حماس کی فوج کے ترجمان کا کہنا ہے کہ  القسام بریگیڈ کےمطابق سیکڑوں اسرائیلی فوجی حراست میں ہیں  تاہم  ابھی تعداد نہیں بتاسکتے کتنے اسرائیلی حراست میں ہیں ۔

انہوں نے کہا کہ  ہم اپنی آزادی  کے لیے جدوجہد کر رہے ہیں ۔ عالمی برداری نے اسرائیلی مظالم کےخلاف ہمارا ساتھ نہیں د یا ۔ ہم نے اسرائیل کے جرائم سے دنیا کو آگاہ کرنا ہے  ،  دنیا اب ہوش میں آئی ہے جب اسرائیل کا نقصان ہوگیا ۔

ترجمان حماس کا کہنا ہے کہ   مقبوضہ علاقوں میں22مقامات پر ہم جدوجہد کررہےہیں۔

ان کا مزید کہنا ہے کہ  جب تک اسرائیل مطالبات تسلیم نہیں کرتا کیسے معاہدہ ہوسکتا ہے ۔ جب تک مسجد اقصیٰ کی بےحرمتی ختم نہ ہوجائےمعاہدہ کیسےہوسکتا ہے۔ معاہدہ ختم کرنا ہوتا توہم ستر سال میں پہلے ہی کرلیتے ۔

واضح رہے کہ حماس کے مسلسل حملوں میں اسرائیل کے اندر 100 فوجیوں سمیت ا یک ہزار سے زائد اسرائیلی  بھی ہلاک ہو گئے ہیں جبکہ ڈھائی ہزار سے زائد زخمی ہیں۔

دوسری جانب اسرائیل نے غزہ کی  مکمل ناکہ بندی کرتے ہوئے کھانے پینے کی اشیا، ایندھن سمیت اہم ضروریات کی چیزوں کی فراہمی کا راستہ روک دیا ہے اور پانی کی سپلائی بھی منقطع کردی جبکہ فضائی کارروائیوں میں سیکڑوں فلسطینی جاں بحق ہوگئے۔

فلسطین کی وزارت صحت نے بتایا کہ غزہ میں پیر کو جاں بحق افراد کی تعداد بڑھ کر 560 ہوگئی ہے۔

صہیونی فوج نے مریضوں کو لے جانے والی ایمبولینسوں پر بھی میزائل مار نا شروع کردیے  اور شہری علاقوں میں گھروں پر بمباری کی جس سے رہائشی عمارتیں ملبے کا ڈھیربن گئیں اور غزہ کے اسپتال زخمیوں سے بھر گئے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/658773/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/658773/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں