حماس  کے خلاف جنگ میں اسرائیلی مدد کے لیے  امریکی گولہ بارود لانے والا پہلا طیارہ اسرائیل پہنچ گیا۔

بین الاقوامی خبررساں ادارے کے مطابق اسرائیلی افواج کے ترجمان  نے تصدیق کی ہے کہ  امریکی گولہ بارود لانے والا پہلا طیارہ اسرائیل پہنچ گیا  ہے۔

 اسرائیلی افواج کے ترجمان   نے کہا کہ  ہم اس مشکل دور میں امریکا کے اسرائیل کی حمایت اور مدد کے شکر گزار ہیں ۔

دوسری جانب  امریکی طیارہ بردار بحری جہاز  بھی مشرقی بحیرہ روم میں پہنچ گیا  ہے۔

امریکی سینٹرل کمانڈ نے طیارہ بردار جہاز یو ایس ایس جیرالڈ آر فورڈ کے بحیرہ روم میں پہنچنے کی تصدیق کردی  ہے۔

واضح رہے کہ حماس کے طوفان الاقصیٰ آپریشن میں اسرائیلی ہلاکتوں کی تعداد 1200  تک پہنچ گئی  ہےجبکہ غزہ پر 4 روز سے جاری وحشیانہ اسرائیلی بمباری میں 140 بچوں سمیت 850  سے زائد  فلسطینی  بھی جاں بحق ہوچکے ہیں۔

اسرائیلی فوج کی جانب سے مسلسل رہائشی عمارتوں، اسپتالوں اور اسکولوں کو بمباری کا نشانہ بنایا جارہا ہے۔

غزہ میں اسرائیلی فوج کی بمباری سے اقوام متحدہ کے ادارہ  برائے فلسطین  کے  ہیڈ کوارٹرز کو  بھی نقصان پہنچا ہے۔

اقوام متحدہ کے ادارہ  برائے فلسطین کا کہنا ہے کہ اسرائیلی بمباری سے کم از کم 18 عمارتوں  بشمول بے گھر شہریوں کو پناہ دینے والے اسکولوں کونقصان پہنچا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/761862/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/761862/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں