یونان میں بھی اسرائیل مخالف مظاہرے جاری ہیں جس کے بعد پولیس اور مظاہرین میں کشیدگی پیدا ہوگئی ہے۔

غیر ملکی خبر رساں ادارے کی رپورٹ کے مطابق دنیا بھر کی طرح یونان میں اسرائیل مخالف مظاہرے جاری ہیں جب کہ اسرائیل کے سفارت خانے کے باہر  کیفیسیاس ایونیو پر جمع ہونے والے مظاہرین اور پولیس فورسز کے درمیان کشیدگی پیدا ہوگئی ہے۔

رپورٹ کے مطابق مظاہرین نے سنٹاگما میں جمع ہونے کے بعد اسرائیلی سفارت خانے تک مارچ کیا، بعد ازاں مظاہرین اور جائے وقوعہ پر موجود پولیس اہلکاروں کے درمیان اس وقت ہاتھا پائی ہوئی جب مظاہرین نے سفارت خانے کی عمارت کے قریب جانا چاہا۔

پولیس نے ہجوم کو منتشر کرنے کے لیے کیمیکل اور اسٹن گرینیڈ کا استعمال کیا۔ مظاہرین نے اسرائیل کے خلاف، فلسطینی مزاحمت کے حق میں اور مشرق وسطیٰ میں امن کے حق میں نعرے لگائے۔

مظاہرین کا کہنا تھا ’’اس جرم پر نیٹو، یورپی یونین اور اسرائیلیوں نے دستخط کیے ہیں جب کہ انہوں نے اسرائیلی وزیراعظم بنجمن نیتن یاہو کی تصاویر بھی نذر آتش کیں‘‘۔ اس مظاہرے میں یونانی انسانی حقوق کی تنظیموں نے بھی شرکت کی۔

واضح رہے کہ اس وقت یونانی حکومت اپنے مفادات کی خاطر اسرائیل کے ساتھ کھڑی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/819268/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/819268/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں