حماس کی اسرائیل  کے خلاف کارروائی پر فلسطینی صدر  محمود عباس کا ردعمل سامنے آگیا۔

عرب میڈیا کی رپورٹ  کے مطابق  حماس کی اسرائیل کے خلاف کارروائی پر فلسطینی صدر  نے رد عمل دیتے ہوئے کہا کہ  فلسطین  کے لوگوں کو اپنے دفاع کا حق ہے۔

فلسطینی صدر نے سیکیورٹی حکام کو فلسطینوں کا تحفظ یقینی بنانے کا حکم دیتے ہوئے فوری طور پر  اعلیٰ سطح اجلاس طلب کر لیا۔

حماس کے حملے پر لبنان سے حزب اللہ کا ردعمل  بھی سامنے آگیا۔

حزب اللہ کی جانب سے جاری بیان میں کہا گیا کہ  حماس کے حملے کا بغور جائزہ  لے رہے ہیں اور  فلسطینی قائدین سے براہ راست رابطے میں ہیں۔

حزب اللہ کا کہنا ہے کہ  حماس کا حملہ اسرائیلی مظالم کا جواب ہے۔

واضح رہے کہ حماس کی جانب سے اسرائیل پر 5 ہزار راکٹ فائر کیے گئے ہیں جس کے نتیجے میں 4 اسرائیلی ہلاک اور 3 زخمی ہوگئے۔

رپورٹ کے مطابق حماس نے اسرائیل کے خلاف ایک نیا فوجی آپریشن شروع کیا ہے  آپریشن ’طوفان الاقصیٰ‘ کا نام دیا  گیا ہے۔

حملے کے بعد اسرائیل میں فضائی حملوں کے سائرن بج اٹھے ۔

حماس  نے اسے اسرائیل کی جانب سے الاقصیٰ میں نمازیوں سمیت خواتین پر حملے کا جواب قرار دیا ہے۔

اسرائیلی فورسز کی جانب سے غزہ کی پٹی پر راکٹ حملہ کیا گیا تھا جس کے نتیجے میں ایک خاتون جاں بحق ہوگئی تھیں۔ اسرائیلی حملے میں متعدد عمارتوں اور گاڑیوں کو بھی نقصان پہنچا تھا۔

اسرائیلی حکومت کی جانب سے حماس کے حملے کو اعلان جنگ قرار دے دیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/956756/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/956756/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں