غزہ میں جاری  اسرائیلی بربریت  میں ہونے والی شہادتیں 10 ہزار سے تجاوز کرگئیں۔

بین الاقوامی خبررساں ادارے کے مطابق  اسرائیلی افواج نے رات بھر مغربی کنارے اور غزہ میں  شدید بمباری کی جس کے نتیجے میں  گزشتہ 24 گھنٹوں  کے دوران  مزید 300 فلسطینی شہید ہوئے۔

اسرائیل نے شجاعیہ میں گھروں کو نشانہ بنایا جس میں بڑی تعداد میں لوگ شہید ہوئے۔ ہلال احمر کے ٹرکوں پر بھی اسرائیل کے حملے میں ڈائیور زخمی  ہوا جبکہ دو ٹرکوں کو نقصان پہنچا۔

اسرائیلی حملوں میں اب تک چار ہزار سے زائد بچوں اور تقریباً دو ہزار خواتین سمیت  10328  افراد شہید ہوچکے  ہیں۔

غزہ میں بچوں کے ایک گروپ نے ایک پریس کانفرنس کی جس میں انہوں نے امن اور اسرائیلی جارحیت کے خاتمے کا مطالبہ کیا۔

بچوں نے کہا کہ ہم جینا چاہتے ہیں، ہم امن چاہتے ہیں، ہم خوراک، دوا اور تعلیم چاہتے ہیں، بم نہیں۔

یاد رہے کہ گزشتہ روز اقوام  متحدہ کے جنرل سیکریٹری انتونیو گوتریس نے نیویارک میں پریس کانفرنس  کے دوران   کہا  تھا کہ غزہ کا ڈراؤنا خواب ایک انسانی بحران سے بڑھ کر ہے۔

انتونیو گوتریس کا کہنا تھا کہ یہ انسانیت کا ایک بحران ہے، دن بدن شدت اختیار کرتا تنازعہ دنیا اور خطے کو ہلا رہا ہے۔ سب سے افسوسناک بات یہ ہے کہ بہت سی معصوم جانیں تباہ ہو رہی ہیں۔

انہوں نے کہا تھا کہ غزہ بچوں کا قبرستان بنتا جا رہا ہے۔ اطلاعات کے مطابق روزانہ سینکڑوں بچے اور بچیاں ہلاک یا زخمی ہو رہے ہیں۔

اقوام متحدہ کے ذیلی ادارے یونیسیف  کی رپورٹ کے مطابق غزہ میں ہر 15 منٹ میں ایک بچہ شہید ہورہا ہے اور ہر ایک گھنٹے میں 420 بچے شہید یا زخمی ہورہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/11/161475/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/11/161475/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں