سعودی ولی عہد شہزادہ محمد بن سلمان نے انتہائی اہم اعلان کردیا ہے۔

غیر ملکی خبر رساں ایجنسی کے مطابق سعودی ولی عہد شہزادہ محمد بن سلمان نے برازیل میں برکس کی ورچوئل کانفرنس سے خطاب کرتے ہوئے کہا کہ ہم مسئلہ فلسطین کے حل کے لیے ٹھوس اقدامات کرنے کا مطالبہ کرتے ہیں۔

انہوں نے تمام ممالک سے مطالبہ کیا کہ فلسطینی ریاست کے قیام کے لیے سنجیدہ امن مذاکرات کیے جائیں اور اسرائیل کو اسلحے کی سپلائی بند کر دی جائے۔

شہزادہ محمد بن سلمان نے کہا کہ 1967 کی سرحدوں کے مطابق ایک آزاد فلسطینی ریاست کے قیام تک امن کا قیام ناگزیر ہے اس لیے فلسطینی ریاست کے قیام کے لیے سنجیدہ کوششیں کی جائیں۔

انہوں نے کہا کہ عبادت گاہوں، اسپتالوں اور اسکولوں کو نشانہ بنایا جا رہا ہے جس میں بچے، خواتین اور معصوم شہری مارے جا رہے ہیں۔ غزہ بہت مشکل میں ہے اور کانفرنس میں ہم سب کو اسرائیلی حملوں کو پوری قوت سے مسترد کرنا چاہیے۔

سعودی ولی عہد نے کہا کہ غزہ میں انسانی المیے کو روکنے کے لیے اجتماعی جدوجہد کی جائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/world/2023/11/270911/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/11/270911/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں