غزہ میں جنگ بندی کے لیے سان فرانسسکو بے بریج پر احتجاج مظاہرہ کیا گیا جس کے بعد متعدد مظاہرین  کو گرفتار کرلیا گیا۔

بین الاقوامی خبررساں ادارے کے مطابق  غزہ میں جنگ بندی کے لیے امریکی شہر سان فرانسسکو بے بریج پر مظاہرے میں فوری جنگ بندی اور اسرائیل کے لیے امریکی فوجی امداد بند کرنے کا مطالبہ کیا گیا۔

مظاہرین نے بے بریج پر گاڑیاں کھڑی کر کے راستہ بند کردیا اور چابیاں سمندر میں پھنک دیں۔

پولیس نے 80 مظاہرین کو گرفتار کر لیا جبکہ 29 گاڑیوں کو بھی قبضے میں لے کر ٹریفک کی روانی بحال کردی۔

200 سے زائد مظاہرین نے سان فرانسسکو میں ایشیا پیسیفک اکنامک کوآپریشن لیڈرز کی کانفرنس کے دوران  گھنٹوں ٹریفک معطل رکھی۔

مظاہرین نے امریکی صدر جو بائیڈن سے مطالبہ کیا کہ اسرائیل اور حماس کے درمیان فوری جنگ بندی  کروائی جائے۔

واضح رہے کہ فلسطین میں جاری اسرائیلی  بربریت میں 4 ہزار سے زائد معصوم بچوں سمیت 11 ہزار سے زائد فلسطینی شہید ہوچکے ہیں۔

اسرائیلی افواج گزشتہ 40 روز سے اسکولوں، اسپتالوں اور رہائشی عمارتوں کو نشانہ بنارہی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/11/404480/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/11/404480/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں