اسرائیل کی الشفاء اسپتال پر بمباری سے اسپتال کی سروس مکمل طور پر بند ہوگئی۔

بین الاقوامی خبررساں ادارے کے مطابق   الشفاء  اور القدس اسپتال کے بعد کمال عدوان اسپتال نے بھی کام بند کر دیا۔

اسپتال میں موجود لاشیں  بھی خراب ہونے لگیں۔

ترجمان ہلال احمر فلسطین کا کہنا ہے کہ طبی عملہ بد ترین حالات میں زخمیوں کے علاج کی کوشش کر رہا ہے۔دوا، پانی، کھانے سے محروم اسپتالوں میں صورتحال بھیانک ہوچکی ہے۔

اقوام متحدہ کے ادارہ برائے اطفال یونیسیف کا کہنا ہے کہ غزہ میں بچوں  کے لیے کوئی جگہ محفوظ نہیں  ہے۔اسپتالوں کے اندر کی صورتحال ایک المیہ ہے۔

ترجمان یونیسیف ٹوبی فریکر  کا کہنا ہے غزہ کے الشفا اسپتال میں قبل ازوقت پیدائش والے بچے زندگی کی جنگ لڑ رہے ہیں۔

ان کا کہنا ہے کہ وحشیانہ بمباری سے بچوں کو محفوظ رکھنے  کے لیے دنیا کو حرکت میں آنا ہوگا۔

اسرائیل کی غزہ پر بمباری کا سلسلہ 38ویں روز بھی جاری ہے جس میں اب  تک 11100 فلسطینی شہید   اور 30 ہزار کے قریب زخمی ہوچکے ہیں۔

اسرائیل  نے جبالہ کیمپ پر دوبارہ حملہ کیا جس میں 19 فللسطینی شہید اور متعدد زخمی ہوئے۔ جنوبی غزہ پر بھی اسرائیل کی جانب سے ایک رہائشی عمارت پر بمباری کی گئی۔

خان یونس میں عمارت کو نشانہ بنانے پر 13 فلسطینی شہید ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/11/426225/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/11/426225/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں