فلسطینی  خاتون صحافی اسرائیلی  بربریت کو بیان کرنے کے کچھ دیر بعد شہید ہوگئیں۔

بین الاقوامی خبررساں ادارے کے مطابق  خاتون صحافی آیت الخدورا نے اپنے آخری پیغام میں دنیا کو اسرائیلی دہشتگردی اور فلسطینیوں پر جاری مظالم  و جارحیت کو بیان کیا۔

شہید صحافی آیت الخدورا کی شہادت سے کچھ دیر پہلے  کی ویڈیو پیغام سوشل میڈیا پر وائرل ہو رہی ہیں۔

انہوں نے اپنے ویڈیو پیغام میں کہا تھا کہ ’شاید یہ میری آخری ویڈیو ہو، آج اسرائیل نے بیت  لیہا میں رہائشی عمارتوں پر فاسفورس بموں سے حملہ  کیا ہے اور لوگوں کو وہاں سے نکل جانے کا حکم دیا ہے‘۔

آیت الخدورا نے کہا  کہ تقریباً سب ہی یہاں سے نکل چکے ہیں، لوگ گلیوں میں پاگلوں کی طرح بھاگ رہے تھےکسی کو کچھ سمجھ نہیں آرہا تھا کہ کیا کرنا ہے، ہم تقسیم ہوچکے تھے۔

انہوں نے کہا کہ میں اور چند لوگ اپنے گھروں میں رک گئے ہیں جبکہ باقی سب چلے گئے۔ ہمیں نہیں معلوم کہ وہ لوگ کہاں گئے، یہ بہت خوفناک ہے۔

آیت الخدورا نے آخر میں کہا کہ جو ہورہا ہے وہ بہت خوفناک ہے، اللہ ہم سب پر رحم کرے۔

Journalist Ayat Al Khaddour was killed today in an Israeli airstrike that targeted her house in Bet Lahya in #Gaza.

This was the last video she posted. pic.twitter.com/Ft5eulgbBx

— Quds News Network (@QudsNen) November 20, 2023

صحافیوں کی عالمی تنظیم کمیٹی ٹو پروٹیکٹ جرنلسٹس  نے اپنے بیان میں کہا کہ  اسرائیل فلسطین جنگ میں اب تک 50 صحافی ہلاک  ہوچکے ہیں جبکہ 11  صحافی زخمی ، 3 لاپتہ  اور 18 گرفتارہوئے  ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/11/596760/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/11/596760/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں