اسرائیل  کے جبالیہ کیمپ اور رفح پر فضائی حملے میں 18 فلسطینی شہید ہوگئے۔

بین الاقوامی خبررساں ادارے کے مطابق جبالیہ کیمپ اور رفح بارڈر کراسنگ کے قریب اسرائیلی فضائی حملوں میں 18 فلسطینی شہید  جبکہ متعدد زخمی ہوگئے۔

جبالیہ کیمپ پر فضائی حملے میں 11 جبکہ رفح پر  فضائی حملے میں  7 فلسطینی شہید ہوئے۔

دیگر کارروائیوں میں  مقبوضہ مغربی کنارے کے مختلف علاقوں میں اسرائیلی فوج  نے چھاپے مارے ۔

اسرائیلی فوج مقبوضہ بیت المقدس، رام اللہ، جنین، قلقیلیہ سمیت کئی شہروں میں گھس گئی، علاقے کا محاصرہ کرکے گھر گھر تلاشی لی اور متعدد افراد کو گرفتار کرلیا۔

جنین میں اسرائیلی فوج نے بلڈوزر سے فلسطینیوں کی املاک اور سڑکوں کو تباہ کر دیا  جبکہ   اسرائیلی فوج کی فائرنگ اور آنسو گیس شیلنگ سے متعدد فلسطینی زخمی  ہوئے۔

اسرائیلی فوج نے جنین کے ابن سینا اسپتال کا  بھی محاصرہ کرلیا ۔

ابن سینا اسپتال کے نگران کا کہنا ہے کہ  اسرائیلی فوج نے طبی عملے کو اسپتال سے باہر نکالنے کا کہا ہے ۔

دوسری جانب    اسرائیل  نے شام کے دارالحکومت دمشق پر  بھی میزائل حملہ  کیا ہے۔

دمشق کی طرف داغے گئے میزائلوں کو فضاء میں ہی مار گرایا گیا ۔   ابھی تک کسی جانی نقصان کی اطلاع نہیں  ملی۔

واضح رہے کہ دو روز  قبل اسرائیلی فوج نے درندگی اور سفاکی کا مظاہرہ کرتے ہوئے غزہ کے الشفاء اسپتال پر ٹینک چڑھا دئیےتھے۔ الشفاء اسپتال  کے کمپلیکس میں اسرائیلی  فوجی ٹینکوں سمیت داخل ہوگئے تھے۔

اسرائیلی فوج نے الشفاءاسپتال میں گھسنے کی تصدیق  کرتے ہوئے کہا  تھا کہ انٹیلی جنس معلومات کی بنیاد پر حماس کے خلاف ٹارگٹڈ آپریشن کیا گیا ہے۔

اسرائیلی فوج کا کہنا  تھا کہ کارروائی  نہ صرف انٹیلی جنس معلومات  بلکہ آپریشنل ضروریات پر مبنی ہے۔ ٹیم میں طبی عملہ اور عربی بولنے والے شامل ہیں۔

اسرائیل نے حماس پر الشفاء اسپتال کو آپریشن کے اڈے کے طور پر استعمال کرنے کا الزام عائد کیا ہے جبکہ حماس نے اس اسرائیلی دعوے کو بارہا مسترد کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/11/605318/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/11/605318/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں