غزہ میں فلسطینیوں کی نسل کشی  پر جنوبی افریقا نے اسرائیل کے خلاف عالمی عدالت انصاف سے رجوع کرلیا۔

بین الاقوامی خبررساں ادارے کے مطابق  جنوبی افریقا کے صدارتی سوشل میڈیا اکاؤنٹ پر جاری بیان میں کہا گیا ہے کہ جنوبی افریقا نے غزہ میں اسرائیلی مظالم کے خلاف عالمی عدالت انصاف میں درخواست دائر کردی ہے۔

جنوبی افریقا کی جانب سے دائر درخواست میں  غزہ میں اسرائیل کی جارحیت کو نسل کشی قرار دیا گیا ہے۔

درخواست میں کہا گیا ہے کہ اسرائیل کا مقصد فلسطینی قوم اورنسل کو تباہ کرنا ہے۔انسانی حقوق کی کئی تنظیمیں پہلے ہی کہہ چکی ہیں کہ فلسطینیوں کے لیے اسرائیلی پالیسیاں نسل پرستی کے مترادف ہیں۔

https://twitter.com/PresidencyZA/status/1740798458481803433

واضح رہے  کہ 7 اکتوبر سے اب تک غزہ میں اسرائیلی بمباری کے باعث 21 ہزار 500 سے زائد افراد  شہید ہوچکے ہیں جن میں 8 ہزار سے زائد بچے اور 6 ہزار سے زائد خواتین شامل ہیں۔

اقوام متحدہ کے ذیلی ادارے یونیسیف نے غزہ کو بچوں کا قبرستان قرار دے دیا ہے۔