امیر کویت شیخ نواف الاحمد الصباح انتقال کر گئے۔

کویتی میڈیا کی رپورٹ کے مطابق  امیر دیوان کی جانب سے نشر ہونے والے مختصر بیان میں امیر کویت شیخ نواف الاحمد الصباح  کےانتقال کی خبر سے متعلق آگاہ کیا گیا۔

امیر کویت شیخ نواف الاحمدا لجابر الصباح  کی عمر 86  برس تھی۔

وہ گزشتہ ماہ اسپتال میں داخل ہوئے تھےتاہم  حکام کی جانب سے ان کی موت کی وجہ نہیں بتائی تھی۔

شیخ نواف نے ستمبر 2020 میں اپنے سوتیلے بھائی شیخ صباح الاحمد الجابر الصباح کی 91 سال کی عمر میں امریکہ میں وفات کے بعد حلف اٹھایا تھا۔

کویتی امیر کے انتقال پر پاکستان کے  نگراں  وزیراعظم انوار الحق  نے  دکھ کا اظہار کرتے ہوئے کہا کہ  پاکستان دکھ کی اس گھڑی میں کویتی شاہی خاندان اور کویت کے عوام کے ساتھ کھڑا ہے۔