عرب کیتھولک مسیحی مرکز نے رواں برس کرسمس  تقریبات منانے اور تہنیت وصول کرنے سے معذرت کرلی۔

بین الاقوامی خبررساں ادارے کے مطابق غزہ میں جاری قتل عام کے خلاف مسلم امہ سے بھرپور اظہار یکجہتی کرتے ہوئے عرب کیتھولک مسیحی مرکز بصرہ نے باقائدہ اعلامیہ جاری کر دیا۔

عرب کیتھولک مسیحی مرکز کی جانب سے جاری کردہ اعلامیے میں کہا گیا کہ ہم نے کرسمس کی تقریبات کو منانے اور اس سال مبارکبادیں وصول کرنے سے معذرت کرنے کا فیصلہ کیا ہے۔

اعلامیے میں مزید کہا گیا کہ فلسطین میں غزہ کے شہداء کے خون کے احترام میں ہمارا فیصلہ تمام عالم مسیحیت  کے لیے لازم و ملزوم ہے۔

واضح رہے کہ 7 اکتوبر سے شروع ہونے والی اسرائیلی فوج کی بمباری سے  شہید فلسطینیوں کی تعداد 20 ہزارسے تجاوز کرگئی ہے۔