خواب ہر کوئی دیکھتا ہے لیکن تعبیر کسی کسی کو ملتی ہے، یہ امریکی خاتون خوش قسمت ہیں ، جنہوں نے جو خواب دیکھا تھا وہ آخرکار پورا ہو گیا۔

لیکسی ایلفورڈ نامی اس بہادر خاتون نے الیکٹرک کار پر دنیا کا چکر لگا کر ورلڈ ریکارڈ اپنے نام کرلیا۔

25 سالہ خاتون الیکٹرک کار میں دنیا بھر میں 30,000 کلومیٹر کا سفر کرنے والی پہلی خاتون بن گئی ہیں۔

میامی سے تعلق رکھنے والی ایڈونچرس لیکسی ایلفورڈ نے الیکڑک کار کے ذریعے 6 براعظموں کے 27 ممالک میں 30,000 کلومیٹر کا سفر کیا ۔

انہوں نے 8 ستمبر 2023 کو اپنا یہ “چارج اراؤنڈ دی گلوب” کا سفر شروع کیا تھا اور کامیابی سے اس کی تکمیل کرکے عالمی اعزاز اپنے نا م کرلیا۔