امریکا کے پولیس اہلکاروں نے پرانے دور کی یاد دلاتے ہوئے چور پکڑنے کےلئے گھوڑے کا استعمال شروع کردیا۔

بین الاقوامی ذرائع ابلاغ کے مطابق نیومیکسیکو میں اسٹور سے چوری کرکے بھاگتے ہوئے شخص کے پیچھے گھڑ سوار پولیس اہلکار دوڑ پڑے ، جس کی ویڈیو بھی سوشل میڈیا پر کافی وائرل ہو گئی ہے ۔

پیدل بھاگتا چور اپنا تعاقب کرتے گھوڑوں کے آگے بھاگتا رہا لیکن جلد ہی ہار ماننے پر مجبور ہوگیا۔

حکام نے بتایا کہ اس شخص نے اسٹور سے 230 ڈالر مالیت کا سامان چرایا جبکہ اس پر شاپ لفٹنگ، پولیس سے بچنے اور منشیات کا سامان رکھنے کا الزام بھی عائد کیا گیا ہے۔