افغان سرزمین دہشتگردوں کی محفوظ آماجگاہ بن گئی ہے۔

طالبان کے اقتدار سنبھالنے کے بعد دہشتگرد تنظیموں کو حکومت کی جانب سے سہولیات میسر ہونے پر پنپنے کا موقع ملا،عالمی سطح پر دن بدن بڑھتی دہشتگردی کے حوالے سے فنانشل ٹائمز نے چشم کشا رپورٹ شائع کی ہے۔

فنانشل ٹائمز کی رپورٹ کے مطابق القاعدہ اور داعش سمیت کئی عالمی دہشتگرد تنظیموں کی محفوظ پناہ گاہیں افغانستان میں موجود ہیں۔

رپورٹ کے مطابق افغانستان میں موجود دہشتگرد تنظیموں کی محفوظ پناہ گاہوں کی وجہ سے خطے باالخصوص پاکستان میں دہشتگردی بڑھ رہی ہے۔

رپورٹ میں مزید کہا گیا ہے کہ پاکستان تو کئی دہائیوں سے افغان دہشتگردی سے متاثر ہے ہی، مگر اب پورا خطہ بھی افغان سر زمین سے ہونے والی دہشتگردی کی لپیٹ میں آ چکا ہے۔