دنیا کے مختلف ممالک نے اپنے شہریوں کو لبنان کا سفر نہ کرنے کی ہداہت کر دی۔

اسرائیل اور لبنانی حزب اللہ کے درمیان بڑھتی ہوئی کشیدگی کو مدنظر رکھتے ہوئے امریکا سمیت یورپی ممالک کی جانب سے اپنے شہریوں کو لبنان کا سفر نہ کرنے کی ہدایت جاری کی گئی ہے۔

امریکا، فرانس، برطانیہ، نیدرلینڈز، کینیڈا، انڈیا، اردن، سعودی عرب، جرمنی، آئرلینڈ، ناروے، سویڈن، بلجئیم، ڈیمارک، آسڑیلیا، روس اور اسپین نے اپنے شہریوں کے لئے ٹریول ایڈوائزری جاری کردی۔

واضح رہے کہ تہران میں 31 جولائی کو حماس کے سیاسی ونگ کے سربراہ اسماعیل ہنیہ کی شہادت پر ایران نے ہر صورت بدلہ لینے کا اعلان کر رکھا ہے۔

مزید برآں اسرائیل نے بھی حماس اور حزب اللہ کے رہنماؤں پر حملے بڑھا دیے ہیں جبکہ لبنان کی مزاحمتی تنظیم حزب اللہ کی جانب سے بھی اسرائیل پر راکٹ حملے کیے جا رہے ہیں، ان تمام تر صورتحال میں دونوں ممالک کے درمیان کشیدگی عروج پر پہنچ گئی ہے۔