نئی دہلی: بھارت کے 78 ویں یوم آزادی کے موقع پر وزیر اعظم نریندر مودی نے بیان جاری کردیا۔

غیر ملکی خبر رساں ادارے کے مطابق بھارت کے 78 ویں یوم آزادی کے موقع پر وزیر اعظم نریندر مودی نے خطاب کیا۔

خطاب کے دوران مودی نے اپنی تقریر میں ہمسایہ ممالک پاکستان اور چین کے ساتھ انڈیا کے کشیدہ تعلقات یا ان کے ساتھ تعلقات کو بہتر بنانے کے لیے کسی بھی اقدام کا ذکر نہیں کیا۔

پریڈ سے خطاب میں مودی نے کہا کہ بنگلا دیش میں ہندوؤں پر حملوں پر تشویش ہے، امید ہے کہ بنگلادیش میں حالات جلد ہی معمول پر آجائیں گے۔

انہوں نے خطاب میں مزید کہا کہ مذہب کی بنیاد پر ملک کو تقسیم کرنے والے قوانین کا خاتمہ ضروری ہے،۔

واضح رہے کہ بھارتی وزیراعظم نریندر مودی کو اپنے عہدے کی تیسری مدت شروع کیے ابھی دو ماہ ہوئے ہیں۔