افریقی ادارے صحت نے ’منکی پاکس‘ کو پبلک ہیلتھ ایمرجنسی قرار دے دیا ہے۔

غیر ملکی خبر رساں ادارے کے مطابق افریقہ کے سینٹر فار ڈیزیز کنٹرول اینڈ پری وینٹیشن (افریقا سی ڈی سی) نے منکی پاکس کے پھیلاؤ پر پبلک ہیلتھ ایمرجنسی کا اعلان کردیا۔

رپورٹ کے مطابق گزشتہ ہفتے افریقہ سی ڈی سی نے افریقہ میں منکی پاکس (ایم پاکس) کے پھیلاؤ کی رفتار پر تشویش کا اظہار کیا تھا۔

افریقی ملک ڈیموکریٹک ری پبلک آف کانگو سے شروع ہونے والی یہ وباء پڑوسی ممالک تک بھی پھیل چکی ہے۔

انتظامیہ کا کہنا ہے کہ افریقہ میں منکی پاکس ویکسین کی ایک کروڑ خوراکوں  کی ضرورت ہے تاہم اس وقت صرف 2 لاکھ خوراکیں موجود ہیں۔

تاہم افریقہ سی ڈی سی ویکسین کی دستیابی یقینی بنانے کے لیے کام کررہا ہے۔

واضح رہے کہ رواں سال افریقاہ میں منکی پاکس کے 15 ہزار سے زائد کیسز سامنے آچکے ہیں اور اس سے 461 اموات ہوچکی ہیں۔