حوثیوں کے  ہائپر سونک بیلسٹک میزائل  پہلی بار وسطی اسرائیل تک پہنچ گئے جس سے متعدد  افراد کے زخمی ہونے کی اطلاع  ہے۔

بین الاقوامی خبررساں ادارے کے مطابق  حوثیوں کے فوجی ترجمان یحیٰ ساری نے ایک بیان میں کہا کہ اس حملے نے دشمن پہلی بار 20 لاکھ سے زائد صہیونیوں کو پناہ گاہوں کی طرف بھاگنے پر مجبور کر دیا۔

یحییٰ ساری نے مزید کہا کہ ہمارے فائر کیے گئے ہائپر سونک میزائل نے 2000 کلومیٹر سے زائد کا سفر صرف 11 منٹ 30 سیکنڈ میں طے کیا اور اسرائیل میں اپنے ٹارگٹ تک پہنچا۔

ذرائع کے مطابق میزائل اسرائیل کی حدود میں داخل ہوتے ہی اسرائیلی دفاعی نظام  آئرن ڈوم کے تحت سائرن بجنا شروع ہوگئے اور لاکھوں صیہونیوں کے خوف کے مارے ملک کے مختلف حصوں میں قائم کی گئی محفوظ پناہ گاہوں کی طرف بھاگنے کے دوران متعدد افراد زخمی بھی ہوئے۔

اسرائیلی فوج کا دعویٰ ہے کہ حوثیوں کے میزائل کو ہوا میں ہی تباہ کردیا گیا تاہم غیر ملکی میڈیا کے مطابق یمن سے آنے والے میزائل کو روکنے کے لیے اسرائیلی فضائی دفاعی نظام فعال کیاگیا تھا جس نے یمنی میزائل کو گرانے کے لیے بہت سے راکٹس داغے مگر وہ میزائل کو روکنے میں ناکام رہے۔

دوسری جانب لبنانی مزاحمتی تنظیم حزب اللہ  کی جانب سے بھی شمالی اسرائیل کے علاقوں پر 40 راکٹ داغے  گئے جس کے باعث مختلف علاقوں میں آگ لگ گئی اور کچھ گھروں کو بھی نقصان پہنچا۔