لبنان، پیجر دھماکوں میں 11 افراد شہید، ایرانی سفیر سمیت ڈھائی ہزار سے زائد زخمی

اسرائیل کی جانب سے لبنان میں حزب اللہ کے خلاف جاری حملوں میں اب جدید ٹیکنالوجی کا استعمال سامنے آیا ہے۔

بین الاقوامی خبررساں ادارے کے مطابق لبنان اور شام کے مختلف علاقوں میں حزب اللہ اراکین کے پیجرز میں ایک ساتھ مشتبہ دھماکے ہوئے۔

لبنان کی وزارت صحت کا کہنا ہے کہ پیجر دھماکوں میں 11 افراد شہید جبکہ ڈھائی ہزار سے زائد زخمی ہوگئے ہیں جن میں سے کئی زخمیوں کی حالت تشویشناک ہے۔

روسی میڈیا کے مطابق زخمیوں میں لبنان میں تعینات ایرانی سفیرمجتبیٰ امانی بھی شامل ہیں۔ان کی اہلیہ کا کہنا ہے کہ وہ ٹھیک ہیں۔

روسی میڈیا کی رپورٹ کے مطابق پیجردھماکوں کی منظوری اسرائیلی وزیراعظم نےخصوصی اجلاس میں دی تھی۔