تل ابیب میں اسرائیلی حکومت کے خلاف احتجاج زور پکڑنے لگا۔

بین الاقوامی خبررساں ادارے کے مطابق اسرائیلی وزیراعظم نیتن یاہو کی حکومت پر یرغمالیوں کی رہائی کیلئے حماس سے معاہدے کیلئے عوام کا دباؤ بڑھنے لگا ہے۔

تل ابیب میں لیبر یونین نے آج عام ہڑتال کی کال دی ہے جس کی حمایت تل ابیب کی ٹیکنالوجی کمپنیوں اور صنعتوں نے بھی کردی۔ تل ابیب کا بن گورین ایئرپورٹ بھی کل صبح سے بند رہے گا۔

دوسری جانب اسرائیلی وزیر خزانہ نے ہڑتال کرنے والوں کو تنخواہیں نہ ملنے کی دھمکی دے دی۔ وزیر خزانہ بیزالل اسموٹریچ کا کہنا ہے کہ ہڑتال کرنے سے حماس کے مفادات کا تحفظ ہوگا۔

اس وقت سیکڑوں افراد نتین یاہو حکومت کے خلاف سڑکوں پر نکل آئے ہیں۔ مظاہرین کا مطالبہ ہے نتین یاہو استعفی دے۔