برطانوی اخبار کی رپورٹ میں کہا گیا ہے کہ مسلسل جنگ سے اسرائیل کے پاس میزائل کم رہ گئے ہیں۔

برطانوی اخبار کی رپورٹ میں دعویٰ کیا گیا ہے کہ اسرائیل کے لیے ایران اور حزب اللہ کا حملہ روکنا مشکل ہو جائے گا۔

رپورٹ میں کہا گیا ہے کہ جنگ سے اسرائیل کے پاس انٹرسیپٹر میزائلوں کی کمی ہوگئی ہے۔ میزائلوں کی کمی کی وجہ سے ہی اسرائیل حزب اللہ کے میزائل روکنے میں ناکام رہا۔

رپورٹ کے مطابق مشرق وسطیٰ کے معاملات پہ گہری نظر رکھنے والی ایک سابق سینئر امریکی دفاعی اہلکار ڈانا سٹرول کا کہنا ہے کہ اسرائیل  کے جنگی سازوسامان میں کمی کا مسئلہ سنگین ہے۔

ڈانا سٹرول کا کہنا ہے کہ اگر ایران اسرائیل کے ممکنہ حملے کا جواب دیتا ہے  اور حزب اللہ بھی اس میں شامل ہو جاتی ہے تو اسرائیل کے فضائی دفاع کو بڑھا دیا جائے گا تاہم یہاں یہ بات اہم ہے کہ امریکی ذخیرے لامحدود نہیں ہیں اور امریکہ یوکرین اور اسرائیل کو ایک ہی رفتار سے جنگی ساز و سامان کی فراہمی جاری نہیں رکھ سکتا۔