حکام نے ڈونلڈ ٹرمپ کے فلاڈیلیفیا میں بڑے پیمانے پر دھاندلی کے الزام کو مسترد کردیا ہے۔

غیر ملکی خبر رساں ادارے کی رپورٹ کے مطابق ڈونلڈ ٹرمپ نے اپنے سوشل میڈیا پلیٹ فارم ’’ٹروتھ سوشل‘‘ پر فلاڈیلیفیا میں بڑے پیمانے پر دھاندلی کا الزام عائد کیا۔

انہوں نے لکھا تھا کہ امریکی ریاست فلاڈیلفیا میں قانون نافذ کرنے والے ادارے آرہے ہیں کیونکہ وہاں وسیع پیمانے پر دھاندلی ہوئی ہے۔

ڈونلڈ ٹرمپ کی جانب سے الزامات تو عائد کیے گئے ہیں تاہم انہوں نے اس حوالے کوئی تفصیلات یا شواہد شیئر نہیں کیے ہیں۔

فلاڈیلفیا پولیس ڈپارٹمنٹ نے خبر رساں ادارے کو بتایا کہ وہ ان اطلاعات سے بے خبر ہیں جن کا ذکر ٹرمپ نے کیا ہے۔

فلاڈیلفیا کے ڈسٹرکٹ اٹارٹی لیری کراسنر کہتے ہیں کہ قانون نافذ کرنے والے اداروں کے پاس اس طرح کے الزام کی کوئی خبر نہیں۔

دوسری جانب فلاڈیلفیا کے ری پبلکن سٹی کمشنر نے ایکس پر لکھا کہ اس طرح الزام میں کوئی صداقت نہیں۔ یہ غلط معلومات پر مبنی ہے اور فلاڈیلفیا میں ووٹنگ کا عمل محفوظ انداز میں ہوا ہے۔