حزب اللہ نے لبنان پر اسرائیلی حملوں کا بھر پور جواب دیتے ہوئے، شمالی اسرائیل پر طویل فاصلے تک مارنے والے 100 راکٹوں سے حملہ کیا ہے جس کے بعد وسطی اسرائیل میں سائرن بج اٹھے۔ 

لبنان سے داغے گئے راکٹ تل ابیب کے شاپنگ سینٹر پر لگے، حملوں کے بعد شمالی اسرائیل میں کئی مقامات پر آگ بھڑک اٹھی، حملوں میں ایک خاتون ہلاک جبکہ متعدد افراد زخمی ہوگئے، اس کے علاوہ اسرائیل کے شمالی شہر حیفہ میں بھی ریڈالرٹ سائرن کی آوازیں سنی گئیں۔

دوسری جانب اسرائیلی فوج کا کہنا ہے کہ لبنان سے آنے والے راکٹوں کو دفاعی نظام نے روکا، راکٹ کے ٹکڑے وسطی اسرائیل میں گرے، جبکہ اسرائیلی فوج نے 40 راکٹ مار گرانے کا دعویٰ بھی کیا ہے۔