امریکہ میں ہونے والے عام انتخابات میں کئی پاکستانی نژاد امریکی بھی مقابلے کے میدان میں موجود ہیں۔

پاکستانی نژاد امریکی سیاست دانوں میں ڈیموکریٹ ٹکٹ پر ٹیکساس کی ریاستی اسمبلی کے لئے امیدوار سلیمان لالانی اور سلمان بھوجانی کو مضبوط امیدوار قرار دیا جا رہا ہے۔

مشی گن سے عائشہ فاروقی، پینسلوینیا میں ڈیموکریٹ ٹکٹ پر مریم صبیح امیدوار ہیں جب کہ نیویارک میں ری پبلکن ٹکٹ پر عامر سلطان انتخابات میں حصہ لے رہے ہیں۔

کانگریس کے لئے واحد امریکن پاکستانی امیدوار ایرن بشیر کا پینسلوینیا میں مقابلہ ہوگا۔

یاد رہے کہ امریکہ میں 47 ویں صدر کے انتخاب کے لئے تمام ریاستوں میں پولنگ کا عمل جاری ہے، ری پبلکن ٹرمپ اور ڈیموکریٹ کملا ہیرس میں کانٹے کا مقابلہ متوقع ہے۔

آج ہونے والے عام انتخاب میں ووٹرز ایوان نمائندگان کے 435 ارکان اور 34 سینیٹرز بھی منتخب کریں گے جب کہ 7 کروڑ 79 لاکھ افراد 5 نومبر کے باقاعدہ الیکشن سے پہلے ووٹ ڈال چکے ہیں۔

صدارت کے عہدے پر کسی بھی امیدوار کو جیت کے لئے کل 538 میں سے کم از کم 270 الیکٹورل ووٹ درکار ہیں،7 سوئنگ اسٹیٹس کسی امیدوار کی کامیابی میں فیصلہ کُن ہوں گی۔