اسلام آباد: یاسین ملک کی بیٹی رضیہ سلطانہ نے اپنے والد کے لیے عالمی دنیا سے اپیل کردی۔

یاسین ملک کی بیٹی رضیہ سلطانہ نے اسلام آباد میں پریس کانفرنس کرتے ہوئے کہا کہ یہ یاسین ملک کی صحت کے لیے ایک ہنگامی کال ہے۔

انہوں نے کہا کہ میرے والد انڈیا کی جیل میں غیر قانونی طور پر پابند سلاسل ہیں جب کہ میرے والد کافی بیماریوں کا شکار ہیں۔

رضیہ سلطانہ نے کہتی ہیں کہ میں تمام مہذب دنیا سے اپیل کرتی ہوں، میں امریکہ، چین اور دیگر ممالک سے والد کے لیے اپیل کرتی ہوں۔

ان کا کہنا تھا کہ میرے والد کو دل کا عارضہ لاحق ہے اور وہ پانچ سال سے قید تنہائی کا شکار ہیں، عالمی دنیا کو میرے والد کی صحت کے لیے ہنگامی اقدامات کرنے چائیے۔

گذشتہ روز پریس کانفرنس کرتے ہوئے یاسین ملک کی اہلیہ مشعال ملک کا کہنا تھا کہ یاسین ملک یکم نومبر سے بھوک ہڑتال پر ہیں، ہمیں تاخیر سے معلومات ملیں جب کہ یاسین ملک پہلے ہی کئی بیماریوں کا شکار ہیں۔

انہوں نے کہا تھا کہ یاسین ملک کو جیل کے ڈیٹھ سیل میں رکھا گیا ہے، دہشت گرد کو کونسل رسائی دی جاتی ہے جب کہ یسین ملک تو سیاسی قیدی ہیں۔

مشعال ملک نے بھارتی سول سوسائٹی سے مطالبہ کرتے ہوئے کہا تھا کہ بھارتی سول سوسائٹی انسانیت کے ساتھ کھڑی ہوں، بھارتی عدلیہ حکومت کے ساتھ کھڑی ہے، یسین ملک کی جان بچانے کے لئے وزیر اعظم بھی ایک ایس او ایس پالیسی سامنے آنی چاہیے، بھارتی اپوزیشن لیڈر راہول گاندھی کو بھی خط لکھا ہے۔

ان کا مزید کہنا تھا کہ یاسین ملک کو دہشت گرد قرار دلوانے کی کوشش ہورہی ہے، یاسین ملک نے 35 سال قبل ہی سیاسی جدوجہد کا آغاز کردیا تھا جب کہ انہیں یقین دلایا گیا تھا کہ سیاسی جدوجہد میں دنیا ان کی بات سنے گی۔