غزہ پر اسرائیلی حملوں میں 25 افراد شہید اور درجنوں زخمی ہوگئے ہیں۔

دیرالبلاح پر اسرائیلی حملے میں 6  فلسطینی شہید اورمتعدد زخمی ہوگئے ہیں جبکہ شمالی غزہ پر حملوں میں 12 سے زائد افراد شہید ہوگئے ہیں، بیت حنون پر بھی بمباری، اسرائیل نے انخلا کے احکامات جاری کردیئے ہیں۔

اقوام متحدہ نے کہا کہ غزہ میں قحط سے اموات کا خطرہ کئی گنابڑھ گیا ہے۔

دوسری جانب اسرائیلی جنگی طیاروں کی بیروت کے مضافات میں بمباری سے 28 افرادشہید ہوگئے ہیں۔

لبنان کے جنوبی علاقوں میں 12 کے قریب فضائی حملے،  شدید بمباری سے دھواں چھاگیا، جبکہ لبنانی گاؤں بالچمے میں 8 افراد اور ماؤنٹ لبنان میں 6 شہری شہید ہوگئے، اس کے علاوہ طیفتہ، نیباتیہ اور ہرمل پر اسرائیلی فضائی حملوں میں 8 افراد شہید اور متعدد زخمی ہوگئے۔

اسرائیل نے بیروت کے مضافات میں پناہ گزینوں کی رہائش گاہ پر حملہ کیا جس کے نتیجے میں متعدد افراد شہید ہوگئے۔

حزب اللہ نے جوابی کاروائی کرتے ہوئے شمالی اسرائیل میں ڈرون حملے کئے جس میں 2 اسرائیلی شہری ہلاک ہوگئے۔

عرب لیگ کانفرنس پر حماس رہنما نے اپنا ردعمل دیتے ہوئے کہا کہ عرب ممالک کو اسرائیل کےساتھ تعلقات منقطع کرنے چاہیئں، مسلم رہنما فلسطینی کازکے ساتھ منسلک رہیں اور ان کے ساتھ کھڑے ہوں۔