ٹرمپ کی جیت سے بٹ کوائن تاریخی بلندی پر پہنچ گیا ہے۔

ٹرمپ کےصدارتی انتخابات جیتنے کے بعد کرپٹو کرنسی کی ٹریڈنگ میں اضافہ ہوا ہے، کرپٹوکرنسی بٹ کوائن کی قدر 9 فیصد اضافے سے 76 ہزار 400 ڈالر پر پہنچ  گئی ہے، ٹرمپ نےکرپٹو پر ٹیکسس کٹوتیوں اور غیر ضروری پابندیوں کے خاتمے کا اعلان کیا تھا۔

اس کے علاوہ ٹرمپ کے صدارتی انتخابات جیتنے کے بعد امریکی اسٹاک مارکیٹ میں ریکارڈ تیزی جاری ہے، ڈاؤجونز انڈیکس میں ایک ہزار 500 پوائنٹس کے اضافے کے ساتھ 43 ہزار 728 پوائنٹس پر بند ہوا ہے۔

اسی طرح ڈاؤجونز انڈسٹریل انڈیکس نے سال 2022 کے بعد تیزی کے ریکارڈ توڑ دیئے، جبکہ ایس اینڈپی، اینڈیکس 146 پوائنٹس کی تیزی سے 5 ہزار 929 پوائنٹس پر بند ہوا، اس کے علاوہ نیسڈیک انڈیکس 544 پوائنٹس بڑھ کر 18 ہزار 983 پوائنٹس پر بند ہوا۔