جنگ بندی کے باوجود  اسرائیلی فوج نے جنوبی لبنان میں کرفیو نافذ کردیا۔

عرب میڈیا کے مطابق اسرائیلی فورسز نے جنوبی لبنان میں گزشتہ رات  سے کرفیو نافذ کر دیا ہے۔

لبنان کے دریائے لیطانی کے جنوب میں سفر جمعرات کی شام تک ممنوع ہے جبکہ کرفیو کا نفاذ دریائے لیطانی کے جنوبی علاقوں میں ہوگا۔

اسرائیلی فوج کا کہنا ہے کہ شہری خالی کرائے گئے قصبوں میں ابھی واپس نہیں جا سکتے۔لبنانی شہری شام 5 بجے سے صبح 7 بجے تک جنوبی سرحد کی طرف نہ جائیں۔

اسرائیلی آرمی چیف کا کہنا ہے کہ فوج جنوب میں دریائےلیطانی کے علاقے میں موجود رہے گی۔جنگ بندی ناکام ہوئی تو فوج کارروائی کے لیے تیار ہے۔

واضح رہے کہ لبنان اور اسرائیلی فورسز کے درمیان جنگ میں شہید لبنانی شہریوں کی تعداد 3 ہزار 823 ہوچکی ہے اور 15 ہزار 859 زخمی ہیں۔