نومنتخب امریکی صدر ڈونلڈ ٹرمپ کی بدھ کو جو بائیڈن سے ملاقات شیڈول ہو گئی ہے۔

وائٹ ہاؤس کے مطابق نومنتخب امریکی صدر ڈونلڈ ٹرمپ اور سبکدوش صدر جو بائیڈن کی ملاقات بدھ کی صبح گیارہ بجے اوول آفس میں ہوگی۔

امریکا میں روایتی طور پر سبکدوش صدر نئے منتخب صدر سے ملاقات کرتا ہے، تاہم 2020 میں انتخابات ہارنے پر ڈونلڈ ٹرمپ نے اس روایت کو توڑ دیا تھا اور نومنتخب صدر جوبائیڈن سے ملاقات نہیں کی تھی۔

نیویارک پوسٹ کی رپورٹ کے مطابق ڈونلڈ ٹرمپ کی ٹیم نے ایگزیکٹو آرڈرز اور اعلانات تیار کرلیے۔

واضح رہے کہ ڈونلڈ ٹرمپ نے 5 نومبر کے انتخابات میں کملا ہیرس کو شکست دی اور اب وہ 20 جنوری کو عہدہ سنبھالیں گے۔

ٹرمپ کابینہ میں مالیاتی امور کی ذمہ داریاں سنبھالنے کیلئے متعدد نام سامنے آگئے ہیں۔

خبرایجنسی کے مطابق ریپلکن صدارتی امیدوار ویوک رامسوامی کو تجارت کی ذمہ داری ملنے کا امکان ہے جبکہ رابرٹ لائٹائزر کوڈیژری ڈیپارٹمنٹ کی ذمہ داریاں دی جاسکتی ہیں۔

اس کے علاوہ بیری نیگرو کو ہیلتھ انشورنس کمپنی کے معاملات دیکھنے کی ذمہ داری مل سکتی ہے۔