جنوبی کوریا کے صدر  نے مارشل لاء اٹھانے کا اعلان کردیا۔

بین الاقوامی خبر رساں ادارے کے مطابق  جنوبی کوریا کے صدر یون سک یول نے گزشتہ روز ملک میں مارشل لاء لگانے کا اعلان کیاتھا جس کے   کچھ ہی گھنٹوں  بعد  پارلیمنٹ نے اسے اٹھانے کے حق میں ووٹ دے دیا۔

ووٹنگ میں حصہ لینے والے تمام 190 قانون سازوں نے مارشل لاء کے خاتمے کی حمایت کی۔

جنوبی کوریا کے وزیر اعظم ہان ڈک سو اور دیگر اعلیٰ حکام نے ہنگامی میٹنگ طلب کر لی۔

جنوبی کوریا میں مارشل لاء کی افراتفری کے بعد جنوبی کوریا میں صدر کے خلاف احتجاج کیا گیا جس میں سیکڑوں مظاہرین سڑکوں پر نکل آئے اور صدر سے مستعفی ہونے کا مطالبہ کیا۔

دوسری جانب امریکہ کے محکمہ خارجہ نے کہا ہے کہ وہ جنوبی کوریا میں صورتحال پر گہری نظر رکھے ہوئے ہے۔