ڈھاکہ: ایک طویل عرصے تک پاکستان اور بنگلا دیش کے درمیان کشیدہ تعلقات میں اب خوشگوار تبدیلی دیکھنے میں آئی ہے۔

5 اگست کو بھارتی کٹھ پتلی حسینہ واجد کی حکومت کا عوامی انقلاب سے خاتمہ اور عبوری حکومت کا قیام بھارت کے منہ پر طمانچہ ہے۔

پاکستان اور بنگلا دیش کے درمیان تجارت اوربراہ راست ہوائی سفر طویل عرصے سے تعطل کا شکار تھا۔

تاہم اب بنگلادیش کے ڈپٹی ہائی کمشنر ایس ایم محبوب عالم نے اعلان کیا ہے کہ  دونوں ممالک کے درمیان براہ راست پروازیں شروع ہوں گی جس سے تجارتی تعلقات میں اضافہ ہوگا۔

بنگلادیشی ڈپٹی ہائی کمشنر نے بتایا کہ حیدرآباد چیمبر آف اسمال ٹریڈرس اینڈ اسمال انڈسٹری کے تعاون سے دونوں ممالک کے درآمد کنندگان و برآمد کنندگان کے لیے نمائش منعقد کی جائے گی۔

ڈپٹی ہائی کمشنر نے کہا کہ ایس ایم محبوب عالم نے پاکستان کی کاروباری برادری کو جنوری 2025 میں ڈھاکہ میں ہونے والی تجارتی نمائش میں شرکت کی دعوت بھی دی ہے۔

ان کا کہنا تھا کہ بنگلادیش 80 ممالک کو اپنی مصنوعات برآمد کرتا ہے اور پاکستان کے ساتھ تجارتی تعلقات میں مزید اضافہ کرنے کی ضرورت ہے۔

حیدرآباد چیمبر کے صدر محمد سلیم میمن نے پاکستان اور بنگلادیش کے تجارتی تعلقات میں اہم پیشرفت پر روشنی ڈالی جب کہ اس موقع پر حیدر آباد چیمبر کے صدر نے 11 نومبر کو پاکستان سے بنگلادیش کے لئے پہلی براہ راست کارگو کا بھی ذکر کیا۔

حیدرآباد چیمبر کے صدر نے بنگلادیشی تاجروں کو پاکستان میں نمائشوں میں شرکت کی ترغیب دیتے ہوئے کہا کہ پاکستانی تاجروں کو بنگلادیش میں شرکت کی حوصلہ افزائی کرنے کی ضرورت پر زور دیا جائے۔

محمد سلیم میمن نے ڈھاکہ میں پاکستانی مصنوعات کے برآمد کنندگان کو درپیش کسٹم کلیئرنس کے مسائل کی نشاندہی کی اور ان کے فوری حل کی ضرورت پر بھی زور دیا۔

معاشی ماہرین کے مطابق پاکستان اور بنگلادیش کے درمیان تعلقات کی بہتری سے دونوں ممالک کے درمیان تجارت کا حجم بڑھے گا۔

معاشی ماہرین کا کہنا ہے کہ پاکستان سے براہ راست بنگلادیش کی پروازوں سے دونوں ممالک کی تاجر برادری فائدہ اٹھا کر کاروبار کو وسعت دے سکتی ہے۔