سعودی ولی عہد شہزادہ محمد بن سلمان نے امریکی صدر ڈونلڈ ٹرمپ سے ٹیلی فونک رابطہ کیا۔

ٹیلی فونک رابطے کے دوران شہزادہ محمد بن سلمان نے صدر ڈونلڈ ٹرمپ کو منصب سنبھالنے پر مبارکباد دی اور دونوں رہنماؤں کے درمیان دو طرفہ تعلقات اور باہمی امور پر تبادلہ خیال ہوا۔

اس دوران سرمایہ کاری اور تجارتی تعلقات کو مزید فروغ دینے اور دہشتگردی کی روک تھام کے لیے دو طرفہ تعاون کو بڑھانے پر بھی اتفاق کیا گیا۔

دونوں کے درمیان مشرق وسطیٰ میں قیام امن اور سلامتی کے حوالے سے بھی گفتگو کی گئی۔

سعودی ولی عہد شہزادہ محمد بن سلمان نے نے کہا کہ سعودی عرب اگلے چار سالوں میں 600 بلین ڈالرز کی سرمایہ کاری اور تجارت کو بڑھانا چاہتا ہے۔

امریکی صدر ڈونلڈ ٹرمپ کا کہنا تھا کہ امریکہ سعودی عرب کے ساتھ تمام شعبوں میں تعلقات کو بڑھائے گا۔

ٹیلی فونک رابطے کے دوران شہزادہ محمد بن سلمان نے امریکی قیادت اور عوام کے لیے نیک خواہشات کا اظہار بھی کیا۔