وائٹ ہاؤس کے ایک عہدیدار نے کہا ہے کہ امریکی صدر ڈونالڈ ٹرمپ آج یہود دشمنی کا مقابلہ کرنے کے لئے ایک ایگزیکٹو آرڈر پر دستخط کریں گے۔

نئے ایگزیکٹو آرڈر کے مطابق  فلسطینیوں کے حق میں مظاہروں میں حصہ لینے والے غیر شہری کالج کے طالب علموں اور دیگر رہائشی غیر ملکیوں کو ملک بدر کیا جائے گا۔

حکم نامے پر ایک فیکٹ شیٹ میں کہا گیا ہے کہ ٹرمپ محکمہ انصاف کو حکم دیں گے کہ وہ امریکی یہودیوں کے خلاف دہشت گردی کی دھمکیوں، آتش زنی، توڑ پھوڑ اور تشدد کے خلاف جارحانہ کارروائی کرے۔

ٹرمپ نے فیکٹ شیٹ میں کہا کہ جہادیوں کے حامی مظاہروں میں شامل ہونے والے تمام رہائشی غیر ملکیوں، ہم آپ کو آگاہ کرتے ہیں اور 2025 میں ہم آپ کو تلاش کریں گے، اور آپ کو ملک بدر کر دیں گے۔

میں فوری طور پر کالج کیمپس میں حماس کے ان تمام ہمدردوں کے اسٹوڈنٹ ویزا منسوخ کر دوں گا جو انتہا پسندی سے متاثر ہیں۔