واشنگٹن: ڈونلڈ ٹرمپ کی صدارتی تقریب خالصتان کے نعروں سے گونج اٹھی۔

ٹرمپ کی صدارت کی افتتاحی تقریب میں سکھ فار جسٹس کے گرپتونت سنگھ پنوں نے شرکت کی جب کہ گرپتونت سنگھ پنوں افتتاحی تقریب میں خالصتان کے نعرے لگاتے رہے۔

صدر ٹرمپ کے ساتھ بال روم ڈنر میں گرپتونت سنگھ پنوں نے خصوصی بیان ریکارڈ کرایا جب کہ سکھ فار جسٹس نے کشمیر سے کنیا کماری تک سکھوں کے لیے خالصتان ریفرنڈم ووٹر رجسٹریشن کا بھی اعلان کیا۔

گرپتونت سنگھ پنوں کا کہنا تھا کہ یہ اقدام سکھوں کو اس قابل بناتا ہے کہ وہ کشمیر سے کنیا کماری تک اپنے حق خود ارادیت کا استعمال کریں، سکھ برادری مودی حکومت کی جابرانہ حکمت عملی کا مقابلہ کرے گی۔

انہوں نے کہا کہ 20 ملین سکھ مودی کے ہندوستان میں محاصرے میں پھنسے ہوئے ہیں، بھارت میں سکھوں کو اپنی شناخت، مذہب اور آزادی کے وجود کے لئے خطرے کا سامنا ہے۔

گرپتونت سنگھ کا مزید کہنا تھا کہ سکھوں کے لئے واحد حل ایک آزاد سکھ وطن ہے جہاں سکھ آزادی سے اپنی مذہبی اور سیاسی خواہشات کی پیروی کرسکیں۔

انہوں نے مزید کہا کہ یہ ریفرنڈم صرف ایک انتخاب نہیں بلکہ یہ ہندوستان کے ظلم سے آزاد ہونے کی شناخت ہے۔