بھارتی وزیراعظم نریندر مودی کے فرانس کے دورے کے دوران پاکستانی اور کشمیری کمیونٹی نے سڑکوں پر نکل کر شدید احتجاج کیا اور مودی کے خلاف نعرے بازی کی۔

مظاہرین نے دہشت گرد مودی اور مودی ٹیرورسٹ جیسے نعروں کے ساتھ اپنی مخالفت کا اظہار کیا۔

مظاہرین کا کہنا تھا کہ مودی قاتل کا دنیا کے ہر کونے میں پیچھا کریں گے اور انہوں نے کشمیری عوام کے حقِ آزادی کے مطالبے کو اجاگر کیا۔

اس موقع پر مظاہرین نے کشمیر اور پاکستان کے جھنڈے اٹھا رکھے تھے اور “کشمیر بنے گا پاکستان” کے فلک شگاف نعرے لگائے۔

مظاہرین نے مقبوضہ کشمیر میں بھارتی فوج کی جانب سے انسانی حقوق کی خلاف ورزیوں کی شدید مذمت کی اور کہا کہ بھارت کشمیری عوام کی پرامن اور جمہوری جدوجہد کو روکنے کے لیے طاقت کا بے دریغ استعمال کر رہا ہے۔

انہوں نے عالمی برادری سے مطالبہ کیا کہ مقبوضہ کشمیر میں اقوام متحدہ کی قراردادوں کے تحت استصواب رائے کرایا جائے تاکہ کشمیری عوام کو اپنے سیاسی مستقبل کا فیصلہ کرنے کا حق مل سکے۔