فرانسیسی صدر امانوئل میکرون نے پیرس میں ہونے والے مصنوعی ذہانت کے عالمی سمٹ کے دوران بھارتی وزیراعظم نریندر مودی کو نظر انداز کردیا۔

فرانسیسی صدر جب عالمی رہنماؤں سے مصافحہ کرتے ہوئے اس سمٹ میں پہنچے، تو انہوں نے پہلے سے موجود دیگر عالمی رہنماؤں سے ہاتھ ملایا۔

اس دوران، جب میکرون بھارتی وزیر اعظم نریندر مودی کی نشست کے قریب پہنچے، تو مودی نے مصافحے کے لیے اپنا ہاتھ بڑھایا، تاہم فرانس کے صدر نے انہیں نظر انداز کرتے ہوئے امریکی نائب صدر جے ڈی وانس سے مصافحہ کیا اور پھر اقوام متحدہ کے سیکرٹری جنرل انتونیو گوتریس سے ملنے لگے۔

اسی دوران، میکرون نے یورپی کمیشن کی صدر ارسلا وون دیرلائن سے بہت تپاک سے ملاقات کی۔