متحدہ عرب امارات نے غیرملکیوں کے لیے نئی ویزا پالیسی جاری کر دیں ہیں۔

نئی ویزا پالیسی کے مطابق ویزا حاصل کرنے کے خواہشمند افراد کو 69 امریکی ڈالر فی کس فیس ادا کرنا ہوگی۔

تمام ویزوں بشمول وزٹ، سیاحتی، اور فیملی ویزا کے لیے درخواست دہندہ کو خود آن لائن درخواست دینی ہوگی، ماسوائے ملازمت ویزا کے۔

ویزا درخواست دینے کے بعد درخواست دہندہ کو سفارت خانہ یا ویزا سینٹر طلب کرنے کا نوٹیفکیشن بھیجا جائے گا۔

آن لائن درخواست کے ساتھ درخواست دہندہ کو ویزا اپلیکیشن دستاویزات کا ثبوت فراہم کرنا ضروری ہوگا جس میں ہوٹل ریزرویشن، گھر یا احباب کے گھر کی دستاویز شامل ہو گی۔

مزید برآں، سفارت خانہ یا ویزا سینٹر آنے پر کنفرمڈ ریٹرن ایئر ٹکٹ اور اصلی قومی شناختی کارڈ یا پاسپورٹ بھی ساتھ لانا ضروری ہوگا۔ پاسپورٹ یا شناختی کارڈ کا کم از کم 6 ماہ کے لیے ویلڈ ہونا ضروری ہے۔

ویزا فیس 69 امریکی ڈالرز مخصوص الفلاح بنک کے اکاونٹ میں جمع کرانا ہوگی اور اس کی اصلی رسید سفارت خانہ یا ویزا سینٹر آتے وقت ساتھ لانا ضروری ہے۔

5 برس سے کم عمر بچوں کے لیے ویزا سینٹر آنا ضروری نہیں ہے، اور صرف سفید بیک گراونڈ کے ساتھ پاسپورٹ سائز تصویر فراہم کرنی ہوگی۔ 6 سے 15 برس کے بچوں کی تصویر ویزا سینٹر میں ہی لی جائے گی۔

متحدہ عرب امارات کے حکام کے مطابق یہ نئی ہدایات ویزا درخواست کے عمل کو مزید آسان اور شفاف بنانے کے لیے جاری کی گئی ہیں۔