واشنگٹن: امریکہ نے ایک بار پھر بانی پی ٹی آئی سے متعلق سوال پر ردِ عمل سے انکار کردیا ہے۔

ترجمان امریکی محکمہ خارجہ ٹیمی بروس سے میڈیا بریفنگ کے دوران بانی پی ٹی آئی سے متعلق سوال کیا گیا، تاہم امریکی محکمہ خارجہ کی ترجمان نے بانی پی ٹی آئی سے متعلق سوال پر ردعمل دینے سے انکار کر دیا۔

 ترجمان امریکی محکمہ خارجہ نے کہا کہ کسی دوسرے ملک کے اندرونی معاملات پر بات نہیں کی جائے گی، اس معاملے پر چاہیں تو وائٹ ہاؤس سے بھی پوچھ سکتے ہیں۔

واضح رہے کہ یہ دوسرا موقع ہے کہ امریکی محکمہ خارجہ کے ترجمان نےبانی  پی ٹی آئی سے  متعلق سوال پر جواب دینے سے گریز کیا، اس سے قبل 6 مارچ کی میڈیا بریفنگ میں بھی بانی پی ٹی آئی سے متعلق سوال پر ترجمان نے ردِ عمل نہیں دیا تھا۔