فیک انکاؤنٹر اسپیشلسٹ بھارتی فوج نے مقبوضہ کشمیر کے علاقے بانڈی پورہ میں ایک اور کشمیری شہید کردیا۔

بھارتی فوج نے ایک اور معصوم کشمیری کو مقبوضہ کے علاقے کشمیر بانڈی پورہ میں شہید کردیا، بھارتی فوج نے الطاف لالی کو گھر سے 22 اپریل کو اغوا کیا تھا۔

دوسری جانب 24 اپریل کو اڑی سیکٹر میں 2 بے گناہ شہریوں کو دن دہاڑے بھارتی فوج نے شہید کیا، شہید ہونے والے افراد میں محمد فاروق اور محمد دین شامل تھے۔

دونوں افراد کو بھارتی فوج نے جعلی انکاؤنٹر کے دوران شہید کیا، بھارتی فوج کے جھوٹے انکاؤنٹرز کی حقیقت عالمی سطح پرعیاں ہوچکی ہے۔

یاد رہے کہ پہلگام فالس فلیگ آپریشن کے بعد مودی سرکار جعلی انکاؤنٹرز کے نام پر قتل عام کررہی ہے جب کہ بھارتی ایجنسیز زیرحراست کشمیریوں اور پاکستانیوں کو جعلی انکاؤنٹرز میں استعمال کرتی ہیں۔

واضح رہے کہ ماضی میں بھی بھارتی فوج جعلی انکاؤنٹرز میں کشمیریوں کو شہید کرکے ڈھونگ رچاتی رہی ہے۔