سری نگر: مودی حکومت کی جانب سے گذشتہ 2 سالوں میں 83 ہزار غیر کشمیریوں کو ڈومیسائل جاری ہونے کا انکشاف ہوا ہے۔

کشمیر میڈیا سروس کی رپورٹ میں مودی حکومت کی جانب سے کشمیریوں کی اکثریت کو اقلیتی میں بدلنے کی سازش بے نقاب ہوگئی ہے۔

رپورٹ میں بتایا گیا ہے کہ بھارت کے زیر قبضہ جموں و کشمیر میں مودی حکومت کی جانب سے گزشتہ دو برسوں میں 83 ہزار سے زائد غیر مقامی افراد کو ڈومیسائل سرٹیفکیٹس جاری کیے گئے ہیں۔

اس بات کا انکشاف مقبوضہ علاقے کی اسمبلی میں سوالات کے دوران ہوا جس میں پیپلز ڈیموکریٹک پارٹی کے عبدالوحید پرہ کے سوال کے تحریری جواب میں بتایا گیا کہ یہ سرٹیفکیٹس غیر کشمیریوں کو فراہم کیے گئے۔

رپورٹ میں یہ بھی بتایا گیا ہے کہ تجزیہ کاروں کے مطابق ان سرٹیفکیٹس کی اصل تعداد لاکھوں تک پہنچ سکتی ہے۔

واضح رہے کہ مودی حکومت نے 2019 میں جموں و کشمیر کے ڈومیسائل قوانین میں تبدیلی کی تھی جس کا مقصد غیر کشمیری بھارتی ہندوؤں کو مقبوضہ علاقے کا ڈومیسائل سرٹیفکیٹ فراہم کرنا تھا تاکہ کشمیر میں مسلم اکثریت کو اقلیتی حیثیت میں بدل دیا جائے۔