پہلگام فالس فلیگ کے بعد بھارت کے سندھ طاس معاہدے کی معطلی کے یکطرفہ فیصلے پر عالمی سطح پر شدید تنقید کی جارہی ہے، اسی حوالے سے فناشل ٹائمز نے اہم رپورٹ جاری کی ہے۔

فنانشل ٹائمز کی جاری کردہ رپورٹ کے مطابق بھارت کی جانب سے سندھ طاس معاہدے کی معطلی کی وجہ سےعلاقائی سلامتی کو سنگین خطرہ لاحق ہوگیا ہے، اور اس سے پاکستان اور بھارت میں آبی تناؤ بڑھنے کا خدشہ ہے۔

رپورٹ میں بتایا گیا کہ بھارت کے حالیہ اقدامات سے پانی کی سیکیورٹی پر کشیدگی میں اضافہ متوقع ہے، سندھ طاس معاہدے کے طویل المدتی استحکام کو بھارت کے اقدامات سے خطرہ لاحق ہے، معاہدے کی عارضی معطلی سے دونوں ممالک پر منفی اثرات پڑ سکتے ہیں۔

فنانشل ٹائمز کے مطابق بھارت و پاکستان کو یکطرفہ اقدامات پر نظرثانی کرنی چاہیے، اس سےماحولیاتی خطرات بڑھ رہے ہیں، بھارت کا موقف خطے میں مزید عدم استحکام کا سبب بن سکتا ہے۔

رپورٹ میں یہ بھی کہا گیا کہ پاکستان کے خلاف یکطرفہ اقدامات بھارت کی آبی سیکیورٹی کے لیے بھی نقصان دہ ہیں، ماضی کے تنازعات کے باوجود سندھ طاس معاہدہ امن کی بنیاد رہا ہے۔