انتہاپسند مودی سرکار نے پہلگام ڈرامے پر دنیا بھر میں رسوائی کے بعد توجہ ہٹھانے کے لئے مقبوضہ کشمیر میں 40 ہزار سے زائد انتہا پسند ہندوؤں کو ہتھیار پہنچا دیے۔

ذرائع کے مطابق مودی سرکارمقبوضہ کشمیر میں خوفناک خونی کھیل کھیلنے کی تیاری کررہی ہے، انتہا پسند ہندوؤں پر مشتمل جتھے ’’ویلیج ڈیفنس گارڈز‘‘ کو کشمیری مسلمانوں کو نشانہ بنانے کا ٹاسک دیا گیا ہے۔

ہندو انتہا پسندوں کوفراہم کیے گئے ہتھیاروں میں کلاشنکوف، بھارتی فوج میں استعمال ہونے والی رائفلیں شامل ہیں،۔

مقبوضہ وادی میں نام نہاد ویلیج ڈیفنس گارڈز کے 4 ہزار سے زائد گروپ ہیں، ہر “ویلیج ڈیفنس گارڈ” گروپ 15 سے 20 انتہاپسند ہندوؤں بمشول ریٹائرڈ بھارتی فوجیوں پر مشتمل ہے۔

ذرائع کا کہنا ہے کہ ہندو انتہا پسندوں کے ان جتھوں کو بھارتی حکومت کی جانب سے تربیت اور تنخواہ بھی دی جاتی ہے، یہ جتھے مقبوضہ کشمیر کے مختلف علاقوں میں آپریشنل بیس منتخب کرچکے ہیں۔

ان انتہا پسند ہندو جتھوں کا ہدف مقبوضہ کشمیر کے علاقے نوگام، اڑی، پونچھ، راجوڑی اور نوشیرہ ہیں۔ ذرائع نے بتایا ہے کہ انتہا پسند ہندو جتھوں کا بنیادی ہدف مسلمانوں کو قتل اور لوٹ مار کرنا ہے۔

بھارتی فوج کا مقصد فیک انکاؤنٹرز کے ساتھ ساتھ ان نام نہاد ویلیج ڈیفنس گارڈز کی آڑ میں زیادہ سے زیادہ کشمیری مسلمانوں کا قتل عام کرنا ہے اور مقبوضہ کشمیر میں مسلمانوں کے آبادی کے تناسب کو بھی متاثر کرنا ہے۔