نئی دہلی: بھارتی نااہلی کا ادراک ہونے پر امریکی شہریوں کے لئے الرٹ جاری کردیا گیا۔

مقبوضہ جموں کشمیر میں سیکیورٹی کی بدترین صورتحال کو دیکھتے ہوئے بھارت میں امریکی سفارت خانے نے اپنے شہریوں کو سفرسے متعلق الرٹ جاری کردیا۔

پہلگام واقعے کے بعد امریکی سفارت خانے نے بھی بھارتی سیکیورٹی فورسز کی نا اہلی کا ادراک کرتے ہوئے جاری کردہ الرٹ میں بھارت میں موجود امریکی شہریوں سے کہا ہے کہ جموں و کشمیر میں دہشت گرد حملوں، پرتشدد واقعات اور بدامنی کے خطرات موجود ہیں۔

الرٹ میں امریکی شہریوں کوہدایت کی گئی ہے کہ وہ مقبوضہ جموں کشمیرکا سفرنہ کریں۔ یہ الرٹ 22 اپریل کو پہلگام واقعے کے بعد جاری کیاگیا جس میں بھارتی فورسز کی نااہلی کے سبب 26 سیاح ہلاک اور متعدد زخمی ہوگئے تھے۔